This is AI generated summarization, which may have errors. For context, always refer to the full article.
Ang pobreng kunwaring nagpa-tattoo, inulan ng simpatya at suporta. Binigyan ng tulong. May nag-volunteer na buburahin ang masagwang marka. Dagdag na istorya: dahil daw sa anak na nangangailangan ang dahilan kaya kapit sa patalim o, sa lagay ng kuwento, kapit sa tattoo needle ang kunwaring biktima. At siyempre, dahil sa kahirapan.
Pero dahil walang maililingid sa social media, natuklasang magkakilala pala ang biktima at ang wais na entrepreneur, na kalaunan, malalaman nating content creator na naghahabol lang para maging sikat na personalidad sa internet, o sa termino ng mga Gen Z, isang clout-chaser. Tamang-tama lang din ang halaga ng premyo. Hindi milyon na napakadaling pagdudahan. O barya-baryang madaling ipamigay. Sandaang libong piso lang, abot-kaya ng isang content creator na may. Kailangan pang udyukan ang content creator para magbayad. I-cancel ng Gen Z kahit hindi pa sumisikat. Akala natin, tagumpay ng sambayanan ang pagbabayad ng P100,000.
Kapag mataas ang metrics sa social media, maraming uubrang pagkakitaan: patalastas, donasyon, endorsement, o product placement.