Kinumpirma ni Mayor Carlos Cabangal ng Banate, Iloilo, na unang may nagpositibo sa COVID-19 sa fish section ng palengke noong isang araw, kaya napag desisyunan na ipa-swab test ang nasa 150 na fish vendors. Nang lumabas ang resulta, 32 sa kanila ang nagpositibo sa virus.
Nasa quarantine facility na ng bayan ang mga nagpositibo sa COVID-19, habang naka-home quarantine naman ang kanilang pamilya. Mahigit 150 pa na mga vendors ang sumailalim sa swab test at ngayong Biyernes pa malalaman ang resulta.Sa ngayon ay humihingi ng kooperasyon ang lokal na pamahalaan ng Banate sa mga residente na mahigpit na sundin ang health protocol upang maiwasan ang pagkalat ng sakit. - ulat ni Rolen Escaniel
We have summarized this news so that you can read it quickly. If you are interested in the news, you can read the full text here. Read more: