Nitiyabaw ang mga fish dealer ug vendor sa Cebu City Fish Market kay dili na usab pasudlon ang mga sakyanan nga magtumod og isda ug, matod pa, nagpabiling kahasol ug dobling bayranan sa kariton.Si Vivian , 39, minyo ug lab-asera og isda nga nahinabi sa Superbalita Cebu nasagmuyo sa gipatuman sa tagdumala sa fish market sa dakbayan nga walay insaktong sistema ug usab-usab ang baruganan.
Dugang niya, anha lang sila makaparada sa sakyanan atbang sa San Nicolas Church hinungdan nga buyagon usab sila sa mga tinugyanan sa simbahan sa sanglit nanimaho ang gawas sa karsada.Dugang pa, dugang gasto sa pagbayad sa kargador nga moalsa binanyera nga isda.Ang ubang mga fish dealer gikan sa dakbayan sa Dipolog sa Zamboanga del Norte ug ubang area sa Mindanao mipadayag sa ilang kasagmuyo tungod kay layo na kaayo ilang ka parking sa truck nga maghabwa sa mga banyera sa isda.